Annan hvønn mikudag, 6. og 20. apríl, 4. og 18. mai, 1. og 15. juni, frá kl. 14:00 til 16:00, skipar Heimatænastan í Vágum fyri “Syngið og Dansið við”.
Eitt tiltak við livandi tónleiki í Marghøllini í Sørvági, har vit fara at syngja nakrar felagssangir, kvøða eitt kvæði og taka ein svingom, um hugurin er til tess. Vit vóna, at nógv møta og njóta løtuna við einumkaffimunni og lagkøku afturvið.
Heimatænastan sigur, at øll eru vælkomin.
Tað kostar 50 kr.
Tey heimabúgvandi, sum ikki hava koyring í Vága- og Sørvágs kommunu, kunnu ringja til tlf. 793200.
Um tú veitst okkurt, sum VP ikki veit - skriva so til vp@vp.fo