35 ára gamli Peter Smedskjaer-Stenland er gesturin í heita stólinum hjá Local.fo hesa vikuna.
Hann kemur upprunaliga frá Illinois, USA, og lesur í løtuni á Fróðskaparsetri Føroya.
Tá hann varð spurdur, hvat honum dámar best við føroyingum, svarar hann.
- Tað besta við føroyingum finnur tú í fiskimonnum. Tað er torført at lýsa á nøktandi hátt, men tað ger teir til salt jarðarinnar.
Peter leggur ikki fingrarnar ímillum, at útlendingar, sum ætla sær at flyta til Føroya, veruliga mugu stríðast, um teir ætla at fóta sær í Føroyum.
- Hugsa um hetta gjølla. Føroyar eru eitt hart umhvørvi, og bara tey sterkastu yvirliva. Tað er einki garanti fyri, at tú fert at klára teg væl, men um tú flytir her til og fært succés, so er tað bara bara takkað veri tær sjálvum og tínum egnu styrkjum, sigur Peter millum annað við Local.fo.
Les meira her
Um tú veitst okkurt, sum VP ikki veit - skriva so til vp@vp.fo