Elsebeth Mercedis Gunnleygsdóttur, almannamálaráðkvinna, hevur svarað fyrispurningi frá Beintu Løwe, tingkvinnu, um stýrið í Bústøðum.

Spurningar:

1. Hvat var tilmælið hjá umsitingini í Almannamálaráðnum um valið av stýrinum í Bústøðum?

2. Tók umsitingin í Almannamálaráðnum fyrivarni, ella hevði umsitingin viðmerkingar í aðramáta í mun til valið av stýrislimum í Bústøðum?

3. Hvørja støðu tók landsstýrismaðurin eftir tilmælið og/ella viðmerkingarnar hjá umsitingini?

Svar:

Til spurning nr. 1
Sbrt. § 2 í løgtingslóg um Húsalánsgrunn verður grunnurin fyrisitin av einum stýri við fimm limum, sum landsstýrismaðurin tilnevnir.

Ásetingin er broytt við løgtingslóg nr. 34 frá 26. mars 2021 um broyting í løgtingslóg um Húsalánsgrunn og víðkar stýrið fyri grunnin úr trimum upp í fimm limir.

Tað er landsstýrismaðurin, sum tilnevnir, og hevur landsstýrismaðurin ikki ætlanir um at upplýsa fyri spyrjara um innanhýsis skjøl hjá fyrisitingini, sum heldur ikki alment innlit er latið í.

Til spurning nr. 2
Sí svar til spurning 1.

Til spurning nr. 3
Sí svar til spurning 1.