17 ára gamla amerikanska Charli D’Amelio fær meira í løn enn fleiri forstjórar í risastórum, altjóða fyritøkum. Saman við systrini, 20 ára gomlu Dixie D’Amelio er hon sonevndur influensari á appini TikTok. Í fjør forvunnu tær tað sum svarar til yvir 180 milliónir krónur tilsamans. Til samanberingar kann nevnast, at stjórin í McDonalds, Chris Kempczinski, forvann smáar 70 milliónir krónur í 2021 og stjórin í Starbucks, Kevin Johnson, hevði umleið 95 mió kr í ársløn.
Wall Street Journal skrivar, at samlaða fortjenastan hjá ungu TikTok stjørnunum meira enn tvífaldaðist í fjør. Og onki bendir á, at gongdin fer at venda í bræði.
- Hesi ungu byggja sannar risafyritøkur við sínum virksemi. Tølini bara vaksa, sigur Mae Karwowski frá marknaðarføringsfyritøkuni Obviously við miðilin.
TikTok sá dagsins ljós í 2016 og hevur yvir eina milliard brúkarar hvønn mánaða.
Um tú veitst okkurt, sum VP ikki veit - skriva so til vp@vp.fo
