Talið av migrantum, sum royna at koma sær ólógliga úr Tunesia í Norðurafrika til italsku oynna Lampedusa sum liggur mitt í Miðjararhavinum, einar 100 fjórðingar úr tunesisku strondini, er vaksið sera nógv higartil í ár í mun til somu tíð í fjør. Higartil í ár eru minst 12.000 komin, somu tíð í fjør var talið 1.300.
Nógv doyggja eisini á leiðini, bara í dag hava sjóverjuskip heintað 29 druknað fólk úr sjónum, eftir at tríggir bátar eru soknir.
Italia hevur fleiri ferðir heitt á Tunesia um at steðga flóttarfólkastreyminum. Mannarættindafelagsskapir siga, at sjóverjuskipini stundum fara harðliga fram ímóti teimum sum royna at koma sær ólógliga til Italia.
Um tú veitst okkurt, sum VP ikki veit - skriva so til vp@vp.fo