Skúli
NÁM: Fyri fyrstu ferð eru útlit fyri, at vit verða fleiri enn 50.000 fólk í Føroyum. Tí er ein temasíða gjørd á Snar um fólkatalsfrøði, har tosað verður við Hans Paula Strøm á Hagstovuni.
Annað tilfar, m.a. úr Kringvarpinum, er eisini á temasíðuni, sum hevur heitið ”Næstan 50.000”.
Við uppgávum og eftir námsætlanini er tilfarið gjørt til hádeild, har fólkatalsfrøði er eitt kjarnaøki í landafrøði.
Snar, sum hevur gjørt síðuna, mælur til, at í ársætlanini verða brúktir 6-8 tímar í landafrøði til hesa temasíðu.
Her er nýggja temasíðan: http://snar.fo/50000/
Um tú veitst okkurt, sum VP ikki veit - skriva so til vp@vp.fo
