Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Nú Sjúrður Olsen ikki stillur uppaftur á býráðsvalinum, fari eg at takka honum fyri hansara stóra arbeiðið í Tórshavnar býráð. Sjúrður er maður, ið hevur vilja sum fáur at fáa framt framburð í kommununi, og eri eg fegin um at hava samstarvað nógv við hann – ikki minst í tíðini sum borgarstjóri.

Har var eingin slingur í valsinum, tí Sjúrður var greiður og álítandi í øllum málum. Júst sum hann eisini er tað, nú hann í samrøðu við in.fo enn einaferð staðfestir, at kom hann inn, so hevði henda samgongan, ið nú hevur valdað, slett ikki komið framat.

Nú hann takkar fyri seg, vil eg fegin nevna nøkur mál úr stóru rúgvuni, sum vit báðir – saman við øðrum góðum fólki – fingu av skafti hesa tíðina, Sjúrður virkaði í býráðnum:

- Stóra havnarútbyggingin
- Sjóvinnuhúsið
- Skúlin á Argjahamri
- Skúlin á Løgmannabreyt
- Boðanesheimið
- Tjarnagarður
- Stóra brúgvin um Sandá
- Trappan í Vágsbotni
- Uppraðfesting av ansingarøki og skúlum
- Tilhaldið í Kollafirði
- Ítróttarhøllin í Kollafirði
- Bátahylurin á Argjum
- Nýggi barnagarðurin á Argjahamri
- Skúlin í Nólsoy
- Nýggi barnagarðurin í Nólsoy
- Tórsvøllur
- Fimi
- Tórsbreyt
-Íðnaðargrundstykkir og sethúsagrunstykkir
…og nógv afturat!

Ikki er altíð lætt í politikki, serliga tá ið mótstøðan inni í tínum egna flokki verður ov stór, soleiðis sum Sjúrður upplivdi á seinasta vali, har innanhýsis fintur gjørdu, at hann ikki varð afturvaldur.

Frá mær eigur Sjúrður Olsen eina stóra tøkk sum politikari og vinmaður, og eisini eina stóra tøkk fyri vøkru orðini frá honum, nú hann takkar fyri seg.

Heðin Mortensen
býráðslimur

Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.

Um tú veitst okkurt, sum VP ikki veit - skriva so til vp@vp.fo