Tríggir ukrainar eru á listanum hjá Time Magazine yvir mest týðandi og máttugar persónar í 2022, skrivar danska TV 2.
Tað kemur helst ikki óvart á nakran at ukrainski forsetin Volodymyr Zelenskyj er á listanum og eisini ovastin í ukrainska herinum Valerij Zaluzhnyj.
Triði ukrainin á listanum er journalisturin Sevgil Musayeva. Hon er blaðstjóri á óhefta tíðindamiðlinum Ukrainskaya Pravda, sum merkir "ukrainski sannleikin".
Sambært Time hevur Ukrainskaya Pravda verið mest týðandi tíðindakeldan undir krígnum millum Russland og Ukraina. Miðilin var tann fyrsti at almannakunngera seinastu tíðindini og kanningar av krígnum, og hevur um 4 milliónir brúkarar dagliga.
Um tú veitst okkurt, sum VP ikki veit - skriva so til vp@vp.fo
