Listin ger lívið lættari at liva
- úr Børkuvísum

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Politikkur

Kaj Leo Holm Johannesen, landsstýrismaður í heilsumálum, hevur í dag havt vitjan av umboðum fyri nevndina í Trivnaðargrunninum fyri Sjúklingahotellið Tórshavn.

Nevndin fyri Trivnaðargrunnin greiddi frá virkseminum hjá grunninum, sum hevur til endamáls at betra um trivnað fyri føroyskar sjúklingar og teirra avvarðandi, við eitt nú at skipa fyri tiltøkum á Sjúklingahotellinum og túrum aðrastaðnis. Trivnaðargrunnurin hevur virkað síðan 2004.

Nærum einki virksemi hevur verið hjá Trivnaðargrunninum seinastu tvey árini. Orsakað av koronafarsóttin hevur ikki verið møguligt at skipa fyri tiltøkum og útferðum. Men nú sær út til, at virksemið kann takast upp aftur, og Trivnaðargrunnurin fegnast um at fáa nýggjan buss til sjúklingar og avvarðandi síðst í apríl. Ætlanin er tá aftur at skipa fyri ymiskum útferðum við bussinum.

Sjálvboðin koyra bussin, sum millum annað ger ókeypis útferðir við teimum, sum í longri ella styttri tíð eru í sjúkraørindum í Danmark og búgva á sjúklingahotellinum.

- Eg eri takksamur fyri, at har eru eldsálir, sum veruliga gera mun í dagligdegnum hjá teimum, sum eru uttanlands í sjúkraørindum. Bussurin og tiltøkini, sum trivnaðargrunnurin skipar fyri, eru partur av tí positivu síðuni, tá ið sjúklingar eru uttanlands. Og eri eg vísur í, at tað eisini kemur heilsuverkinum til góðar, sigur Kaj Leo Holm Johannensen, landsstýrismaður.

Um tú veitst okkurt, sum VP ikki veit - skriva so til vp@vp.fo