Síðani Donald Trump tók við aftur í Hvíta Húsinum, hevur hann fleiri ferðir nýtt sín tollhamara við einum yvirskipaðum endamáli: At gera Amerika og amerikanarar ríkari.
Amerikanski handilsjavnin er ein óvanlig hóttan móti amerikanska tjóðartrygdini og búskapinum, heldur Trump, og tí lýsti hann undantaksstøðu í fyriskipanum í fjør og fór undir at leggja toll á onnur lond.
Men hóast nógv sløg við tollhamaranum móti millum øðrum ES, Kina og Kanada, so hevur handilsjavnin bert gingið ein veg seinasta árið. Nevniliga upp.
Í fjør vaks handilsjavnin, sum lýsir lutfallið millum innfluttar og útfluttar vørur, við 2,1 prosentum í mun til 2024, skrivar BBC. Hetta svarar til ein vøkstur upp á umleið 1,2 billiónir dollarar.
Um tú veitst okkurt, sum VP ikki veit - skriva so til vp@vp.fo
