Fýra av trúføstu stuðlunum hjá Donald Trump lovaðu at savna pening inn til favoritprosjektið hjá forsetanum – at gera ein marknamúr millum USA og Meksiko - men innsavningin var eitt svindilnummar, og í gjár fingu tveir av teimum langa fongsulsrevsing.
Tað skrivar tíðindastovan AP.
Ein av teimum dømdu er krígsveteranurin Brian Kolfage, sum fekk harðastu revsingina, fýra ár og tríggjar mánaðir í fongsul fyri at hava stungið yvir 350.000 innsavnaðar dollarar í egnan lumma.
Brian Kolfage er eitt kent andlit í USA og var eisini andlitið úteftir undir innsavningini, skrivar danska TV 2.
Um tú veitst okkurt, sum VP ikki veit - skriva so til vp@vp.fo