Skúlablaðið/Sonne Smith skrivar: Serliga vesturi í Vágum gongur tú í søguni. Her er Krígssavnið, her eru krígsminni, ið standa enn. Her er alt, sum fevnir um Føroya søgu eftir miðøld. Tú gongur bókstavliga í søguni vesturi í Vágum.
Seinni Heimsbardagi varð umframt søgan í sjálvum sær ein byggifrøðilig og mentanarlig kollvelting í Føroyum. Kortini verður søgan lítið virðismett í skúlahøpi, halda mong. Gamaní er søga eitt fak í skúlanum, men søgan nemur so at siga ikki við lívið í Føroyum eftir Magnus Heinason og Nólsoyar-Páll.
Jú, sjálvandi verður nomið við Sigmund og Trónd, men nútíðarsøga – tey seinastu 75 árini – verður ikki nortið við í skúlanum uttan í summum føri, tá ið flokkar hava onkra verkætlan og verða bodnir at koma á Krígssavnið at hoyra, hvussu Føroyar vórðu fullkomuliga broyttar søguliga undir Krígnum.
Um tú veitst okkurt, sum VP ikki veit - skriva so til vp@vp.fo