Onki arbeiði hevur verið á Vestmanna Seafood síðani nakað áðrenn árslok í fjør. Hesa tíðina plaga tey at abeiða makrel, men av tí at makrelurin fyri tað mesta verður veiddur í bretskum sjógvi, og av tí at avtalan ímillum Føroyar og Bretland um sínamillum fiskiskap eftir Brexit ikki er komin endaliga upp á pláss, so er avleiðingin, at onki arbeiði er á virkinum.
Eyðun Olsen, stjóri, sigur við VP, at væntandi verður sama mongd virkað, men tað verður bara seinni á árinum enn vanligt.
- Vit hava ikki havt nakað at bjóða teimum um 35 fólkunum, sum vanliga eru til arbeiðis her, og tað er sjálvandi harmiligt, sigur Eyðun Olsen men leggur afturat, at tey vænta at arbeiðið aftur verður á virkinum í summar einaferð.
Um tú veitst okkurt, sum VP ikki veit - skriva so til vp@vp.fo
