Týska tokfelagið Deutsche Bahn skal hjálpa Ukraina við kornútflutninginum sum er steðgaður av krígnum.
Tað sigur flutningsmálaráðharrin Volker Wissing við Der Spiegel.
Týsk tok skulu føra 20 milliónir tons hveiti og aðrar landbúnaðarvørur via Pólland til havnir við Norðsjógvin og Adriahavið.
Eisini amerikanski flutningsmálaráðharrin Pete Buttigieg hevur verið við í ráðleggingini av sonevndu «tokbrúnni» úr Ukraina. Ætlanin var løgd fram í Berlin í gjár.
Navnið «tokbrúgv» er ein parallellur til sonevndu loftbrúnna til Berlin sum vestanveldini settu í verk undir Berlinblokkaduni í 1948-49, skrivar NRK.
Um tú veitst okkurt, sum VP ikki veit - skriva so til vp@vp.fo