Svartahavsflotin hjá Russlandi hevur eftir øllum at døma fingið enn eitt høgg, nú Ukraina boðar frá, at kavbáturin "Rostov ved Don" er farin til botns í einum rakettálopi á russisku flotastøðina í Sevastopol á hersettu Krim hálvoynni.
Hvørki Russland ella uttanveltaðar keldur hava váttað tíðindini, men ukrainskir hernaðarmyndugleikar skriva á X, at "fiskurin í Svartahavinum fer at nýta gott at nýggja heimi sínum". Ukraina sigur, at 30% av svartahavsflotanum nú er antin sokkin ella so illa skaddur, at hann ikki er til nakra nyttu.
Hernaðarserfrøðingar geva Ukraina rætt. Eitt nú danski herflotayvirmaðurin og granskarin Anders Puck Nielsen sum sigur við Jyllandspostin, at russiski svartahavsflotin í veruleikanum ikki er nakað serliga vandamikil longur.
- Í dag er fremsta uppgávan hjá Svartahavsflotanum bara at sleppa so snikkaleysur sum gjørligt, segði hann herfyri.
A russian submarine went to the bottom of the Black Sea.
— Defense of Ukraine (@DefenceU) August 3, 2024
Ukrainian defense forces successfully attacked the B-237 "Rostov-na-Donu" attack submarine in Sevastopol's port. As a result of the attack, the submarine sank.
Great work, warriors. The Black Sea fish will enjoy their new… pic.twitter.com/KzbaZATcFR
Um tú veitst okkurt, sum VP ikki veit - skriva so til vp@vp.fo
