SEV hevur í dag fingið boð frá Elveitingareftirlitinum á Umhvørvisstovuni um at rætta roknskapin hjá dóttirfelagnum partafelagnum Vindfelagnum í Húsahaga. SEV verður biðið um skjótast gjørligt at rætta avrokningina við dóttirfelagið soleiðis, at hon er gjørd sambært galdandi ásetingum í prísavtaluni millum Vindfelagið í Húsahaga og SEV.
Talan er um tilsamans 4,5 milliónir krónur sum SEV hevur goldið dóttirfelagnum ov nógv árini 2014 til 2019.
Avroknar SEV meira enn avtalan sigur, so er tað eitt slag av stuðli sum verður latin dóttirfelagnum, sum hevur vunnið eitt útboð um at framleiða streym úr vindi í Húsahaga í kapping við aðrar.
VP hevur skrivað um málið áður, les millum annað:
SEV fingið freist frá Umhvørvisstovuni
Vindorkan verður rætt avroknað
SEV vil sleppa at rinda vinddótturfelag hóast eingin vindur er
SEV hevur rindað egnum dóttirfelag ov nógv í mun til prísavtalu
Um tú veitst okkurt, sum VP ikki veit - skriva so til vp@vp.fo