Í morgin fyrst landsynningur, seinni útsynningur. Mesti vindurin um middagsleitið, tað verður eisini mesta avfallið og hitin alt samdøgrið um 8 stig.
Týsdagin og mikudagin hvassur vindur ella skrið av útsynningi, mikudagin av útsynningi og vestri, ælaveður men eisini onkrir sólglottar og hitin 6 - 8 stig.
Hósdagin minkar hann sum frálíður vindin av vestri, ælaveður fyrrapartin men seint seinnapartin slítur í og hann snarar í beinan eystan. Hitin 5 - 7 stig.
Fríggjadagin aftur strúkur í vindi, fyrst av eystri, seinni av landnyrðingi, regn ella ælaveður til middagsleitið, tá slítur í. Hitin verður hin sami, 5 - 7 stig.
Næsta vikuskiftið verður merkt av ein umleypandi veðri. Leygardagin gul til stívt andøvsgul høgt, men sunnudagin hvassur vindur ella skrið lágt.
Um tú veitst okkurt, sum VP ikki veit - skriva so til vp@vp.fo