- Føroyar eiga at hava eitt føroyskt heiðurstekin, eina ærumedalju, meina tingfólk úr bæði andstøðu og samgongu, sum hava uppskot til samtyktar ið kemur til viðgerðar á tingfundinum í dag.
Tey vísa til, at øll hini norðurlondini, eisini Grønland, hevur slíkt heiðurstekin, sum verður latið "persónum, sum uttan mun til starvsøki ella samfelagsstætt gera nakað serstakt og merkisvert í virkni og verki sínum í samfelagnum. Persónar, sum ganga undan og eru ein góð fyrimynd fyri uppvaksandi ættarliðið og fyri okkum øll. Umboð fyri allar flokkar á tingi, uttan javnaðarflokkin, eru uppskotsstillarar.
Annars eru nógv onnur mál fyri á tingfundinum, sum byrjar klokkan 10. Teirra millum er málið hjá løgmanni um at herða revsingina fyri neyðtøku og samlegu við barn undir 15 ár.
Um tú veitst okkurt, sum VP ikki veit - skriva so til vp@vp.fo
