Helvtin av tungu stríðsvognunum hjá Russlandi eru antin oyðilagdir ella tiknir av ukrainum, sigur ein tænastupersónur í Pentagon.
Tað er Celeste Wallander, sum er skrivari í ríkisfyrisitingini í verjumálaráðnum, sum heldur at russar hava mist helvtina av sínum stríðsvognum síðani innrásina í februar í fjør.
Wallander kom ikki við neyvum tali av mistum russiskum stríðsvognum.
Hon kom við síni meting nú Ukraina fyrireikar seg til at fáa fleiri hundrað stríðsvognar frá vesturlondum, skrivar NRK.
Les fleiri tíðindi frá krígnum - trýst her
Um tú veitst okkurt, sum VP ikki veit - skriva so til vp@vp.fo