Heilsufrøðiliga Starvsstovan: Í næstum kann føroysk fryst fiskavøra útflytast til Hollands, fyri seinni at verða útflutt til Russlands beinleiðis frá frystigoymslum í Hollandi, uttan at koma aftur til Føroya.
Hetta er í stuttum tað, ið nýtt uppskot til umlastingarcertifikat, ið russiski matvørumyndugleikin, Rosselkhoznadzor hevur fyrisligið og sum Heilsufrøðiliga starvsstovan í dag hevur viðmælt.
Útflutningurin úr Føroyum til Hollands, verður á vanliga preeksport certifikatinum til EU, sum so verður grundarlagið hjá Hollendsku myndugleikunum, um vøran seinni skal til Russlands.
Nýggja skipanin verður sett í verk í Føroyum, tá tingini eru sett í verk, millum russiskar- og hollendskar myndugleikar.
Um tú veitst okkurt, sum VP ikki veit - skriva so til vp@vp.fo
