Í sambandi við, at Bókadeildin gevur út nýggja upprunaføroyska ungdómsbók, verður skipað fyri útgávutiltaki týskvøldið 3. mai kl. 20 í Reinsarínum í Havn.
Nýggja bókin kallast Sólgrátur, og Ingun Christensen hevur skrivað.
Skrá
- Bókadeildin bjóðar vælkomin
- Eyð Matras hevur samrøðu við høvundin
- Ragnar Finnson spælir nøkur løg
Um bókina
Aud er 15 ár og ættleidd. Hon heldur, at lívið er strævið. Í skúlanum rópa tey ymiskt eftir henni. Eisini er Aud kedd um mammuna, sum ofta liggur í songini.
Hon kennir seg einsamalla og ger sær nógvar tankar um Kolumbia, haðani hon er ættleidd. Støðan verður ikki betri, tá ið hon byrjar at fáa ólekkur boð inn á telefonina frá ókendum nummari. Við eitt verður alt bara enn truplari enn frammanundan.
Um tú veitst okkurt, sum VP ikki veit - skriva so til vp@vp.fo
