Filmsbrot
Tað sær ógvusligt út tá ein sonevndur rallybilur kemur fúkandi úr teirri einu av gomlu tunellunum við Árnafjørð í Norðoyggjum, ger eitt hondbremsusving og fer so beint inn í hina tunellina.
VP hevur fingið myndir og videobrot sendandi frá lesarum, sum ikki rættuliga vita, hvat hetta man vera, sum tey hava verið vitni til.
Á politistøðini í Havn siga tey kortini, at tað er alt undir "kontrolleraðum umstøðum".
- Vit hava fingið fráboðan og givið loyvi til at taka upp eina lýsing, vist nokk fyri General Motors. Allir vegirnir eru sperraðir av, og tað eru professionell fólk sum koyra handa bilin, sigur vakthavandi.
Um tú veitst okkurt, sum VP ikki veit - skriva so til vp@vp.fo
