Tað var ein sensasjón tá ið Vínlandskortið var almannakunngjørt í 1960’unum.
Kortið vísur ein part av Norðuramerika við einum teksti, sum sigur, at tað vóru Bjarni og Leivur (Bjarni Herjólfsson og Leivur Hepni) sum funnu meginlandið.
Sagt hevur verið fyri vist, at kortið er teknað ár 1440, tað vil siga áðrenn Kristoffur Kolumbus fann Amerika í 1492.
Kortið var sostatt eitt prógv um, at víkingarnir vóru teir fyrstu evropearar, sum vitjaðu heimspartin, har tað frammanundan búðu fólk.
Men fleiri granskarar hava verið skeptiskir. Ikki viðvíkjandi um víkingarnir funnu Amerika fyrst (tí tað eru onnur prógv um, at teir gjørdu), men viðvíkjandi kortinum.
Um tú veitst okkurt, sum VP ikki veit - skriva so til vp@vp.fo
