Onnur tíðindi
Ein kendur russiskur krígsbloggari doyði av eini spreinging á kafe í russiska stórbýnum Sankta Petursborg í gjár, skrivar danska TV 2.
Harumframt fingu 25 fólk skaða, og 19 av teimum eru innløgd, skrivar CNN.
Deyði persónurin var journalisturin og bloggarin Vladlen Tatarskij.
Tann 40 ára gamli Tatarskij, hvørs rætta navn er Maxim Fomin, er kendur fyri at stuðla russiska forsetanum, Vladimir Putin, og krígnum í Ukraina.
Hann hevði yvir 560.000 fylgjarar á boðtænastuni Telegram.
- Vit sigra á øllum, vit fara at drepa øll, vit ræna øll. Alt fer at verða, sum vit vilja hava tað at gerast, segði hann í einum videobroti herfyri.
Um tú veitst okkurt, sum VP ikki veit - skriva so til vp@vp.fo
