Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Hósdagin 8. desember fara vit á løgtingsval. Eitt val, sum kann vera avgerandi fyri, um gamla siðvenjan hjá føroyingum at fara út í náttúruna verður steðgað ella tryggjað.

Tí er sera umráðandi, at politisku flokkarnir, sum bjóða seg fram á løgtingsvalinum, gera veljaranum púra greitt, hvar tit standa í málinum um atgongd til náttúruna. Veljarin má vita, um tykkara flokkur fer at arbeiða fyri at lógartryggja fólki rættin til at vera í náttúruni. Ella um tit góðtaka, at gjaldsportur, píkatráður og krøv um innheintan av loyvi skulu avmarka atgongdina hjá ungum sum eldri at vera úti í haganum og náttúruni annars.

Føroyingar vita, hvat teir vilja. Teir vilja hava staðfest rættin til at ferðast í náttúruni. Ein kanning hjá Spyr.fo frá september í ár vísir, at uml. 4 av 5 føroyingum vilja hava ein almennan gongurætt settan í gildi. Veljarin hevur tí rætt til at vita, hvat hon/hann kann vænta av tykkara flokki í spurninginum um atgongd til náttúruna, áðrenn krossurin verður settur.

Í valstríðnum til seinasta løgtingsval var spurningurin um atgongd til náttúruna nógv frammi, og fleiri politikarar góvu lyftir um at tryggja atgongdina hjá føroyingum til okkara náttúru.

Nú gott 3 ár seinni stendur fólkið spyrjandi: Vit hava framvegis ikki fingið hendan púra sjálvsagda rættin tryggjaðan í lóg! Ein rættur, sum okkara grannalond fyri langari tíð síðan hava tryggjað bæði borgarum og vitjandi. Tí mugu flokkarnir nú innan løgtingsvalið boða greitt frá, um okkara krossur fer til lógartryggjaðan gongurætt ella fleiri gjaldsportur.

Hagafelag Føroya

Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.

Um tú veitst okkurt, sum VP ikki veit - skriva so til vp@vp.fo