Forsetin í Ukraina, Volodymyr Zelenskyj, ringdi í dag til Boris Johnson og var harmur um lagnuna hjá bretska forsætisráðharranum, skrivar NRK.
– Vit hava øll hoyrt hesi gleðileysu tíðindi. Ikki bara eg haldi nógv av tær, men alt Ukraina saman við mær, segði Zelenskyj undir samtaluni.
Ukrainski forsetin takkaði Johnson fyri stuðulin undir russisku innrásini.
Eisini ráðgevin hjá ukrainska forsetanum, Mykhailo Podoljak, takkaði Boris Johnson.
– Takk Boris Johnson fyri at tú sást, hvussu stór hóttan ódjórið Russland er og fyri altíð at vera fremst í at stuðla Ukraina, skrivaði hann á Twitter.
Key moments from UK PM Boris Johnson's leadership https://t.co/SwdivQt3q8 pic.twitter.com/fXNuXeRUhX
— BBC News (World) (@BBCWorld) July 7, 2022
Um tú veitst okkurt, sum VP ikki veit - skriva so til vp@vp.fo