Tað verður testað enn fyri koronu, bæði á Landssjúkrahúsinum og hjá Thetis, um fólk ynskja tað, og sambært landslæknanum, Lars Fodgaard Møller, so verða staðfestir einir 2-5 omikron-tilburðir um vikuna.

Spurdur um flestu tilburðir eru millum ferðafólk, sigur landslæknin, at talan er um bæði føroyingar og ferðafólk.

Á heimasíðuni korona.fo stendur, at 28 føroyingar eru deyðir í sambandi við koronu, men hetta talið er eitt sindur hægri enn tað, sigur landslæknin. Sambært honum er talan um 34 persónar.