Menn vóru djúpt í lummanum tá haruhagar í dag vórðu seldir í Kvívík, í samband við at seyðasýning eisini hevur verið.
Tilsamans fingu hagarnir 129.000 krónur inn, og tað er væl meira enn í fjør.
Norðihagi fór fyri 31.000 krónur, Gásafelli fór fyri 38.000, Fjallið fór fyri 37.000 og Presthagi ella Frammihagi fór fyri 23.000 krónur. Allir prísirnir vóru hægri enn í fjør.
Nógv hara er at síggja og menn eru spentir, og tað kann vera ein orsøk til at hagarnir blivu so dýrir, tí tað vóru stórt sæð teir somu sum bjóðaðu, frættist úr Kvívík.
Haruhagarnir í Vestmanna verða seldir á uppboði í morgin.
Fyrsti harudagur er 2. november og seinasti er nýggjársaftan.
Um tú veitst okkurt, sum VP ikki veit - skriva so til vp@vp.fo
