Hagstovan: Stór avlop hava verið á rakstrarviðskiftum gjaldsjavnans síðani 2013.
Rakstraravlopið fyri 2022 liggur á sama høga støði sum árini 2013 og fram. Á tænastujavnanum hava vit tó 817 milliónir krónur í halli, tí vit innflyta fleiri tænastur enn vit útflyta, men allir aðrir postar á gjaldsjavnanum geva avlop. Stórur partur av avlopinum stavar frá avlopi á vøruhandilsjavnanum. Vøruhandilsjavnin minkaði úr 968 milliónum krónum í 2021 til 788 milliónir krónur í 2022.
Vøksturin í innflutninginum av tænastum hevur verið minni enn vøksturin í útflutninginum. Hetta hevur havt við sær, at tænastujavnin er vaksin 42 milliónir krónur frá 2021 til 2022. Ein stórur partur av vøkstrinum stavar frá størri inntøkum frá flutningsvinnuni.
Um tú veitst okkurt, sum VP ikki veit - skriva so til vp@vp.fo
