Eftir at tað herfyri kom fram, at fleiri hundrað lík av børnum hjá upprunafólki eru funnin í kirkjum og skúlum í Kanada, hevur eldur verið settur á katólskar kirkjur har vesturi í landinum, har upprunafólk býr.
Aftur í gjár brunnu katólskar kirkjur í grund. Mánadagin, tá skipað varð fyri National Indigenous People's Day, varð eldur settur á tvær katólskar kirkjur í sama landsluti.
Tær brunnu báðar í grund. Við almennum stuðli vórðu skúlarnir riknir í drúgva tíð fyri at kristna upprunafólkið í Kanada.
Hóast kristnu skúlarnir ikki virka longur, krevur kanadiska upprunafólk at allar barnagravir verða funnar.
Um tú veitst okkurt, sum VP ikki veit - skriva so til vp@vp.fo