Presturin hjá føroysku katolikkunum, Peter Fleetwood, rýmdi av landinum fyrr í heyst, tí tað var alt ov tvørligt hjá honum at búgva í Føroyum, eftir at danir fingu sonevndu imamlógina.
Nú hevur málið fingið ans í donskum miðlum, og við dr.dk sigur danski ráðharrin fyri útlendingamál, Kaare Dybvad Bek, at endamálið við lógini er at byrgja upp fyri ekstremismu og antidemokratiskum, religiøsum forkynnarum í samfelagnum.
- Men tá tað er sagt, so veit eg eisini, at tað kann vera óneyðuga trupult hjá religiøsum forkynnarum at fáa arbeiðs- og uppihaldaloyvi. Vit mugu royna at gera tað so, at málsviðgerðin er so løtt og smidlig sum gjørligt.
Ráðharrin fer at hitta føroyska starvsbróðurin Bjarna Kárason Petersen seinni í oktober, og tá fara teir at umrøða málið.
Um tú veitst okkurt, sum VP ikki veit - skriva so til vp@vp.fo
