Elinborg útgevur í dag eitt dupult staklag, og eitt sjónbandalag. Løgini bera heitini ‘’Byrjan’’ og ‘’Í Verju tíni’’, og snúgva seg um ósunnan kærleika.

Føroyska songkvinnan hevur seinasa árið, gjørt nógv um seg í Europa, har hon hevur spælt óteljandi konsertir, og útgav í fjør sína vælumtøktu EP ‘’Vera’, har tekstirnir vóru so mikið væl úr hondum greiddir at teir vóru tilnevndir til ‘’Ársins tekstir’’ á FMA (Faroese Music Awards).

Elinborg er nú klár aftur við nýggjum tónleiki, og her greiðir hon frá, hvat løgini snúgva seg um:

‘‘Í Verju tíni og Byrjan, eru tvey løg, ið snúgva seg um kærleika. Eg havi roynt at sett orð og ljóð á, hvussu kærleiki kann verða vakur, og tryggur, men eisini hvussu ræðandi tað kann vera, tá man missur seg sjálvan burtur á ferðini.’’

Løgini er framleitt saman við Gretu Svabo Bech, og Fred Ruddick, og tekur lurtaran viđ á eina droymandi ferð, ígjøgnum eina myrka, kensluborna, men eisini vónríka ljóðmynd.

Elinborg er kunngjørd, at spæla á kenda festivalinum í Hollandið ‘’Castlefest’’ 2023, og nógv annað spennadi er fyri framman.