Landsliðið í bridge hevur leikt seg í fjórðingsfinaluna í stórari altjóða bridgekapping, sum verður leikt á netinum.
Kappingin verður nevnd BBO InterCity League, og fleiri enn 100 lið úr øllum Evropa hava luttikið.
Tað var sum liður í fyrireiking til Small Nations kapping, sum var leikt í Serbia síðst í oktober, at føroyingar meldaðu seg til hesa sterku kappingina.
Føroyar vann sín bólk, har eitt nú vinnandi liðið frá í fjør luttók.
Í gjár leiktu Føroyar 1/8 finalu dyst móti einum sterkum liði frá Wales, sum føroyingar vunnu stórt. Á føroyska liðnum í 1/8 finaluni leiktu Arne Mikkelsen, Bogi Simonsen, Dánjal Pauli Mohr og Árni M. Dam
Fjórðingsfinalurnar verða leiktar á Bridge Base Online mikukvøldið 18. desember kl 20.
Fólk kunnu fylgja við dystinum her
Um tú veitst okkurt, sum VP ikki veit - skriva so til vp@vp.fo