Andreas Egeberg Jacobsen og Poul Kallsberg hava undirskrivað sáttmála við Skála Ítróttarfelag fyri næsta kappingarár.
Andreas er 20 ára gamal. Hann er skjótur og álopssinnaður vongspælari, sum leikti í alt 43 dystir í 2019. Hann skoraði tilsamans 10 mál, harav trý í Betri deildini og eitt í steypakappingini.
Poul er 16 ára gamal álopssinnaður miðvallari. Hann hevði eitt frálíkt kappingarár í 2019, har hann bæði var partur av U21 og 1.deildarliðunum hjá Skála, umframt at hann fekk sínar fyrstu minuttir í Betri deildini. Eisini var Poul við U17 manslandsliðnum, har hann skoraði ímóti Danmark í EM undankappingini.
Skála gjørdist nummar seks í Betri deildini í 2019.
Um tú veitst okkurt, sum VP ikki veit - skriva so til vp@vp.fo
