Ætlanin er at seta ein nýggjan landsliðsvenjara í fyrru hálvu av januar 2020.
Hetta segði Christian F. Andreasen, formaður í Fótbóltssambandinum, í samrøðu við FM1 í dag.
- Brutto-listin var yvir 50 nøvn. Nú hava vit sorterað frá, og vit eru nú komin niður á eitt tal av venjarum, sum kann teljast á einari hond. So nú eru vit farin í gongd við seinasta partin av útveljingini, og vit nærkast nú eini avgerð, segði Christian F. Andreasen.
Nýggi landsliðsvenjarin skal taka yvir eftir Lars Olsen, sum takkaði fyri seg í november í ár eftir átta ár sum venjari hjá føroyska fótbóltslandsliðnum.
Hoyr samrøðuna, sum Tróndur Arge hevði við FSF-forsetan, her
Um tú veitst okkurt, sum VP ikki veit - skriva so til vp@vp.fo