Í gjár vórðu 249 fólk koppsett. Tilsamans eru nú 2912 føroyingar koppsettir fyri koronu, skrivar Heilsumálaráðið.
Nýggj sending við koppingarevni kom til Føroya hósdagin, og í gjár varð koppsetingin so tikin uppaftur.
Samstundis frættist, at ongin nýggjur tilburður av korona varð staðfestur í gjár.
599 kanningar vórðu gjørdar, og allar eru liðugt greinaðar.
Tveir persónar eru í løtuni innlagdir á Sjúkrahúsverki Føroya í sambandi við koronusmittu.
Um tú veitst okkurt, sum VP ikki veit - skriva so til vp@vp.fo