Læknar í ukrainska býnum Butsja hava funnið spískar seymlíknandi pílar, fléchette, í hópgrøvum, har russar hava fjalt dripin sivilfólk í økinum Butsja-Irpin.
So nógvar sum 8000 fléchettes, ið eru 3-4 cm til longdar, kunnu vera í eini tíðarinstillaðari bumbu, sum russar hava sent móti sivilfólki.
Bumban brestur, so hon sleingir fléchett-pílarnar 100 metrar fram í eitt umvav, sum er 300 metrar og elvir til mest møguliga effekt, tá deyði er endamálið.
Tað skrivar bretska avísin The Guardian, sum í gjár útgreinar russiska drápsvápnið, sum er elligamalt.
Svenska Kringvarpið hevur somu søgu við støði í samrøðu við Ove Bring, sum er serkønur í fólkarætti og professari í altjóða rætti.
Hann metir russisku fléchette vápnini at vera serstakliga ómenniskjanslig.
Í 70’unum og 80’unum var hann partur av svenskari sendinevnd, sum á vápnaráðstvenu í Genève royndi at forbjóða hesum slag av vápni, men enn er tað ikki eydnast.
Í øllum hesum londunum er vápnaídnaðurin serstakliga sterkur.
Um tú veitst okkurt, sum VP ikki veit - skriva so til vp@vp.fo
