Nú Løgtingið skal taka støðu til uppskot frá Fólkaflokkinum, um at loyva Russiskum skipum til Føroyskar havnir aftur, vil Heimafriður minnað Føroya Løgting á, at slík avgerð hevur álvarsamar avleiðingar fyri heimafriðin og trivnaðin hjá Føroyingum.
Tí Russisku skipini og frystiskipini, sum russisku skipini umskipa til, larma óvanliga nógv. Hesi skip, eru ikki egnaði at liggja nærendis búðstaðarøkjum.
Seinastu árini hevur heimafriður, landsmyndugleikar og havnir kring landið mótiki hundratals klagur, um skip, sum órógva fólk, so mikið nógv at tað ávirkar svøvn og trivnað hjá fólki.
Síðani havnastongsulin kom í gildið, er talið av klagum minka niður í nærum einki.
Um skipini sleppa til bryggju aftur, kunnu vit vænta at avgerðin fær likamligar og sálarligar fylgjur fyri fólk, sum búgva nærendis havnir í Føroyum.
Heimafriður heitur á landsins leiðarar, um at varðveita havnastongsulin, til ein lóg er samtykt, at verja heimafriðin hjá Føroyingum ímótið slíkum ágangi.
Felagið Heimafriður
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
