Tað er hættisligt at hava rætt, tá hitt almenna er á skeivari leið
- Voltaire

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Tiltøk

Nú er summarið komið, og tað merkir, at vit aftur fara at tosa um sex.

Undir heitinum “Gult merkir reytt” fer eitt nýtt upplýsingarátak í gongd hesa vikuna.

Tað eru Fólkaheilsuráðið, Føroya Politi, Amnesty International og Sig frá/Almannamálaráðið, sum í felag skipa fyri átakinum. Saman kalla hesi seg Sex krevur samtykki samstarvið, ella bara SKS-samstarvið, og hetta er nú fimta summar á rað, at skipað verður fyri kampanjum at upplýsa um samtykki.

Reytt merkir nei. Grønt merkir ja. Hvat merkir so gult? Kanska? Bíða? Okey, meðni?

Nei, GULT MERKIR REYTT! Hetta herróp ella slogan skal undirstrika, at sex krevur samtykki. Tað er einki, sum eitur kanska, men einans ja ella nei.

Kampanjan fer í ár serliga at koyra á sosialu miðlunum sum Instagram og Facebook.

”Endamálið við ársins átaki er at røkka teimum ungu, og tí fara vit hagar, sum tey ungu eru,” siga fyriskipararnir.

Samtykki samstarvið fyllir í ár fimm ár:
2016: Sex krevur samtykki.
2017: Mynd krevur samtykki.
2018: Steðga haturstalu.
2019: Sex krevur samtykki við fokus á at tosa um sex.
2020: #samtykki – Gult merkir reytt.

Á Facebook síðuni “Samtykki” og á Instagram verða myndir og memes at síggja. Vit heita á fólk um at deila, umframt at tora at taka prátið bæði foreldur, børn og ung sínámillum.

Harumframt heita vit á fólk um at brúka hashtaggið #samtykki.

Fólkaheilsuráðið, Føroya Politi, Amnesty International og Sig frá/Almannamálaráðið

Um tú veitst okkurt, sum VP ikki veit - skriva so til vp@vp.fo