Politiið var til staðar á Tórsfest í Havn í gjár og har bleiv staðfest, at loyvishavarar ikki altíð taka reglurnar um 18 ára aldursmark so hátíðarliga, tá skonkt verður.
Vakthavandi á politistøðini greiðir frá, at politiið plagar at vera til staðar til slík tiltøk í vanligum klæðum, sivilklødd, og eygleiða hvussu skonkt verður.
- Í tveimum førum kundu vit staðfesta, at tey sum seldu ikki vóru nóg ansin viðvíkjandi aldursmarkinum. ´
Hann sigur, at í hesum báðum førunum bleiv tað steðgað. Men tað er neyvan alt, sum politiið sær.
Tað kann fáa avleiðingar fyri tann, sum hevur skonkiloyvi, um treytirnar fyri at hava loyvið ikki verða fylgdar.
Annars var tað sera friðarligt í býnum, sigur vakthavandi.
Tvey mál um rúsdrekkakoyring eru skrivað seinasta samdøgrið.
Um tú veitst okkurt, sum VP ikki veit - skriva so til vp@vp.fo
