ÍSF: Mikudagin hevði Styrkisamband Føroya, stovnandi aðalfund í ÍSF húsinum. Á fundinum vóru viðtøkur o.a gjørdar, umframt at nevndin var skipað.
Endamálið hjá Styrkisamband Føroya er, at skipa og menna kraftítróttina í Føroyum. Hetta er eitt økið, sum hevur ment seg við rúkandi ferð seinnu árini, og limatalið er støðugt vaksandi.
Í fyrsta umfari fevnir Styrkisamband Føroya um greinarnar: Olympiska vektlyfting, Power lyfting, KettleBells og Crossfit. Møguleiki er eisini hjá øðrum greinum innan kraftítróttina at søkja um limaskap í Styrkisambandi Føroya.
ÍSF ynskir Styrkisambandi Føroya hjartaliga tillukku við limaskapinum.
Um tú veitst okkurt, sum VP ikki veit - skriva so til vp@vp.fo