Føroyski heimsmeistarin í nevaleiki, Sarah Mahfoud, sleppur kortini ikki til Las Vegas at boksa um trý HM belti í desember, sum annars var ætlanin. Korona er orsøkin.
Sarah Mahfoud, sum er búsitandi í Danmark, men er hálvur føroyingur og hálvur sýri, hevur longu sum er titulin heimsmeistari. Men hesin dysturin sum stóð fyri framman var tann størsti av teimum øllum, ikki minst tí Las Vegas er sjálvur boksi høvuðsstaðurin.
Sarah Mahfoud hevur leingi fyrireikað seg til dystin, og hon hevði eisini eina vón um, at dysturin var eitt týðandi stig á vegnum hjá henni til at gerast professionellur nevaleikari.
Hon lesur til sjúkrarøktarfrøðing, og nú fer hon aftur til bøkurnar.
Um tú veitst okkurt, sum VP ikki veit - skriva so til vp@vp.fo
