Føroysku kvinnurnar fyrireika seg í hesum døgum til fyrsta dystin í undankappingini til EM 2025 - Mynd: Jakoba Svensdóttir
Føroysku kvinnurnar fyrireika seg í hesum døgum til fyrsta dystin í undankappingini til EM 2025 - Mynd: Jakoba Svensdóttir
FSF: Tað er nummar 60 á styrkislistanum hjá FIFA, ið tekur ímóti nummar 110, tá Grikkaland og Føroyar trína á Theodoros Vardinogiannis leikvøllin á Kreta í morgin (fríggjadagin 5. apríl, skriv.) klokkan 18:00, sum er klokkan 20:00 lokala tíð í Grikkalandi.
Talan er um fyrsta dystin í nýggju EM-undankappingini, og umframt Føroyar og Grikkaland, eru Montenegro og Andorra eisini í bólkinum.
Føroyski hópurin kom til Kreta seinnapartin týsdagin, og síðani hava tvær venjingar verið á skránni, sum hava verið í góðum umstøðum, og í góðum veðri, samanborið við kavan og kuldan í Føroyum.
EM-undankappingardysturin millum Grikkaland og Føroyar verður stroymdur beinleiðis á heimasíðuni hjá Kringvarpi Føroya, www.kvf.fo.
Seinni dysturin í hesum umfarinum verður týsdagin 9. apríl, tá okkara kvinnur møta Montenegro á Gradski Stadion í Podgorica.
Um tú veitst okkurt, sum VP ikki veit - skriva so til vp@vp.fo
