Tá Oyggjaleikir verða settir hevur hvørt landi sítt egna vatn við heiman frá.
Vatnhátíðarhaldið er fastur partur av skránni, og tá fer ein íðkari frá hvørjum landi ella oyggj sum er við í kappingini at koyra vatn í eitt felags kar.
Í Føroyum hevur siðvenja verið at yngsta ítróttarfólkið ber vatnið.
Til hesar leikirnar er 14 ára gamli svimjarin Líggjas Joensen yngsta ítróttarfólkið umboðandi Føroyar, og tí fær hann heiðurin at bera vatnið til Oyggjaleikasetanina.
Oyggjaleikirnir á Guernsey verða settir í kvøld kl. 18:30 á havnalagnum í St Peter Port.
Um tú veitst okkurt, sum VP ikki veit - skriva so til vp@vp.fo