Meðan partur av føroyskum politikarum arbeiðir við at steðga fiskivinnusamstavinum við Russland, so er stórur partur av teimum nýggju norsku skipunum til fiskiskap í russiska partinum av Barentshavinum.

Sambært heimasíðuni hjá Fishfact.com, vóru íalt 11 norsk fiskiskip á fiskileið eystaliga í russiska partinum. Tað tykist ikki, sum at hesi lond ætla at steðga fiskivinnusamstarvinum.

Noreg og Russland samstarva um Barentshavið. Noreg hevur partvísan havnastongsul, men russisk skip hava atgongd til 3 ymiskar havnir í Noreg. Hetta eru tó tær havnirnar, sum russar vanliga hava brúkt undanfarin ár áðrenn avmarkingina.

Føroysk reiðarí hava seinasta árið bygt 3 framkomin skip til fiskiskapin í Barentashavinum. Skipini er sergjørd til toskafiskiskapin og til avbjóðingarnar í dag og árini framyvir.

Serligur dentur hevur verið lagdur í fáa alla veiðuna í land, minking av co2 útlátinum, góðar umstøður til manningina, eins og skipini eru útgjørd við landstreymi, so larmur, tá skipini eru í havn, verður sera nógv avmarkaður.

Tað verður ein dyggur smeitur fyri hesi reiðarí og manningarnar við hesum skipum, um fiskivinnusamstarvið steðgar. Eisini fer tað at merkjast væl í føroyska samfelagnum, tí í dag eru omanfyri 200 húski knýtt beinleiðis at hesum skipum umframt avleitt virksemi í Føroyum.