Løgreglan: Eystari Landsrættur er í Føroyum í viku 34 og 35. Hesar vikurnar skulu 11 revsimál avgreiðast.
Eystari Landsrættur viðger revsimál, sum eru avgjørd í Føroya Rætti, og sum eru kærd. Dómar, sum Føroya Rættur sigur, kunnu kærast av ákæruvaldinum og av tí dømda. Eystari Landsrættur er í Føroyum tríggjar ferðir um árið.
Hesaferð Eystari Landsrættur er í Føroyum, eru 11 revsimál á skrá. Fáar avmarkingar eru í, hvørji mál kunnu kærast, og tí eru málini, sum skulu viðgerast í landsrættinum ymisk.
Málini snúgva seg milllum annað um brot á djóravælferðarlógina, lóggávuna um rúsandi evni, harðskap, vitnihóttanir, neyðtøku og brot á ferðslulógina.
Dómarnir, sum eru sagdir í Eystara Landsrætti, kunnu í útgangsstøðinum ikki kærast.
Rættarlistin, t.e. skráin fyri mál, sum verða viðgjørd í viku 34 og 35, er tøkur her:
Um tú veitst okkurt, sum VP ikki veit - skriva so til vp@vp.fo
