Tað er sanniliga gott at vit hava ungdómstingið!

Uttan tað hevði einki uppskot komið fram um 16 ára valrætt!

Tað er í tøkum tíma, at vit fáa hetta aldursmark her á landi.

Tá Nelson Mandela kom úr geglinum og gjørdist forseti í Suðurafrika, var eitt av uppskotum hansara at valaldurin skuldi vera 14 ár. Hann segði, at tað vóru nógv ung, sum høvdu tikið upp vápn fyri at vinna frælsið, og tá tey tordu at skjóta við einari kalasjnikov, kundi einki forða fyri at tey fingu ein blýant at greiða atkvøðu við.

So mikið er hent fyrr, at álit er sýnt teimum ungu. Tá norðmenn í 1814 komu saman á Eiðisvøllum at gera stjórnarskrá og velja kong var yngsti valdi luttakarin 17 ár! Hann fekk eina glæsiliga yrkisleið í sínum fosturlandi.

Í Føroyum hava vit góðar royndir av teimum ungu. Mangar gamlar sluppir komu heim við gyltum fongi eftir at hava fingið fiskiskipara sum var so ungur at hann mátti fáa sær flaggskipara sum hevði lógaldur.

Tað er tí at vóna, at ungdómstingið fer at samtykkja uppskotið og at løgtingið ger tað til lóg so vit á kommunuvalinum kunnu fáa onkran valdan, sum er undir 18!

Zakarias Wang