Onnur tíðindi
Í gjár vóru 190 nýggir tilburðir av korona staðfestir í Føroyum, tað vísa nýggjastu tølini hjá landslæknanum.
Hetta er triði dagurin á rað at talið á tilburðum minkar. Tann 5. januar vórðu 317 tilburðir, tann 6. 192 og í gjár 190 tilburðir. Eisini positivprosentið er minkað. Tað er hvussu nógv av teimum kannaðu eru positiv. Hetta talið var somu dagar 8,3 - 6,8 og 5,6.
Í løtuni eru 1.472 smittað, fimm eru innløgd, harav tveir sjúklingar eru innlagdir av korona, hinir tríggir eru innlagdir av aðrari orsøk.
Um tú veitst okkurt, sum VP ikki veit - skriva so til vp@vp.fo
