Tónleikur
Punkbólkurin 200 hevur verið virkin seinastu 20 árini, men bólkurin hevur ongantíð havt framførslu á Summar Festivalinum, hóast teir hava spælt á óteljandi pallum í Føroyum.
Nú verður tað broytt, tí 200 eru á skránni fyri Summar Festivalin 2016.
200 spæla punkrock við viðmerkjandi – stundum provokerandi – tekstum um føroyska samfelagið, politikk og annað. Teir tríggir tónleikararnir spæla og syngja beint fram, og sum í røttum punktónleiki verður ikki kínt fyri detaljunum, men heldur spælt við fullari ferð út eftir landavegnum.
Tónleikararnir í 200 hava eitt boð upp á, hví teir ongantíð hava spælt á Summar Festivalinum.
Um tú veitst okkurt, sum VP ikki veit - skriva so til vp@vp.fo
