Í gjár vóru 22 nýggir tilburðir av korona staðfestir í Føroyum.
Tað vísa nýggjastu tølini hjá landslæknanum.
Ein tilburður varð staðfestur dagin eftir komu til Føroya, og 12 tilburðir vórðu staðfestir við komu til Føroyar við skipi. Restin eru smittað í Føroyum, 6 tilburðir eru partar av kendum smittukeldum, og í trimum førum er smittukeldan ikki kend.
1570 kanningar vóru gjørdar seinasta samdøgrið. Í løtuni eru 123 smittað í Føroyum.
Í september vórðu íalt 187 tilburðir staðfestir, av hesum vóru 160 smittað av kendum smittukeldum (86%), 17 smittað av ókendum smittukeldum (9%) og 10 smittað eftir komu til Føroya (5%).
Um tú veitst okkurt, sum VP ikki veit - skriva so til vp@vp.fo